Dei fyrste skjermane som ikkje bruker straum når dei står i stand-by, vart i dag lansert
Energisparing har vorte meir og meir populært dei siste åra. Produsentar av ulike varer skrøyder mykje om kor lite straum deira produkt bruker når det står i stand-by. Mircosoft skrøyda òg av kor energisparande Windows Vista er til samanlikning til Windows XP.
PC-skjermar bruker som kjent ein heil del straum, sjølv når dei står i stand-by så trekker dei mellom ein og seks watt. Fleire produsentar har prøvd å nå null-merket og Fujitsu Siemens er den fyrste produsenten til å sende ein skjerm som ikkje bruker straum i det heile når han står i stand-by, på marknaden.
Fujitsu Siemens sine skjermar skrur av straumomformaren når skjermen går i stand-by, noko som gjer at dei ikkje trekkjer straum i det heile. Når PC-en igjen sender eit signal til skjermen, vil ein liten straumpuls verte sendt og omformaren vil starte opp att. Skjermane har i tillegg automatisk justering av lysstyrken på skjermane, slik at dei skal spare enno meir straum.
Skjermane som har komt har storleiken 20″ og 22″, storleikane 24″ og 26″ kjem til å kome i løpet av september. 20″- og 22″-skjermane er allereie i sal i delar av Europa. Startprisen på 20″-modellen startar på 419€ eller omlag 3330 kroner.
