Då er ventinga over: det er no mogleg å laste ned sleppkandidaten av Windows 7. Denne versjonen vil innehalde alle funksjonane som kjem til å vere i den ferdige versjonen av Windows 7. Det einaste som no gjenstår er å luke ut alle feila.
Denne testversjonen av Windows 7 kjem til å vere open for nedlasting ut juni månad, så det er ikkje noko hastverk for å få tak i ein kopi. Versjonen kjem òg til vere gyldig i eit år fram i tid, så ein har god tid til å teste ut Windows 7 før ein treng å gå til innkjøp.
Ein av dei nye funksjonane som kjem med i denne versjonen av Windows 7 er XP-mode. Med XP-mode kan ein kjøre program i XP ved hjelp av ein virtuell maskin. Dette gjer at program som ikkje elles verker i Windows 7, likevel kan brukast som om det ikkje var noko problem.
For å laste ned Windows 7 RC kan ein gå til Windows 7 si heimeside. Me tilrår likevel at ein heller går til MSDN eller Technet sine tenarar, sidan desse antakeleg vil oppleve mindre belastning, sidan Windows 7 RC har vore tilgjengeleg for medlemmane her i eit par dagar.
Alt du treng å gjere er å skrolle ned på ei av sidene, velgje språk for anten 32-bit eller 64-bit, logge inn med Live-ID og fylle ut eit kort skjema. Deretter får du ein produktnøkkel og ei nedlastingslenke.
